Impormasyon sa Eleksyon

Gubernatoryal na Primaryang Eleksyon sa Ika-2 ng Hunyo, 2026

Sa ilalim ng Batas ng Pagpili ng mga Botante sa California (California Voter’s Choice Act), bawat aktibong rehistradong botante sa County ng San Diego ay makatatanggap ng balota sa koreo sa linggo ng Ika-4 ng Mayo. Maaari ninyong asahan na matatanggap ang inyong balota sa loob ng linggong iyon, at maaaring makatanggap ng ilang botante ang mga ito nang mas maaga, gaya ng sa katapusan ng linggo bago nito.

I-check ang inyong rehistrasyon bilang botante upang mapatunayan ang inyong adres ng tirahan (at kung iba, ang inyong pangkoreong adres). Kung kailangan ninyong gumawa ng mga update, maaari kayong magsumite ng bagong rehistrasyon ng botante sa online.

Narito ang inyong mga opsyon sa pagboto:

Ang bawat aktibong rehistradong botante ay makatatanggap ng balota sa koreo sa linggo ng Ika-4 ng Mayo.

Maaari ninyong kumpletuhin ang inyong balota sa ginhawa ng inyong tahanan, pirmahan at petsahan ang inyong sobreng pagbabalikan, i-seal ang inyong nakumpletong balota sa loob, at ibalik ito sa pamamagitan ng koreo o sa alinmang mga opisyal na ballot drop box:
- Ipakoreo Ito: Ibalik ito kaagad sa pamamagitan ng U.S. Postal Service, o
- Ihulog Ito: Simula Martes, Ika-5 ng Mayo, kayo ay magkakaroon ng opsyon na ihulog ang inyong balota sa alinman sa mga opisyal na ballot drop box ng Tagapagrehistro na matatagpuan sa buong county.
Bumista: Kung mas nais ninyong bumoto nang personal, ang opsyon na iyon ay available rin. Samantalahin ang isa sa sampung araw ng maagang pagboto nang-personal!
- Simula Sabado, Ika-23 ng Mayo, ang mga piling vote center ay magbubukas araw-araw mula ika-8 ng umaga hanggang ika-5 ng hapon.
- Simula Sabado, Ika-30 ng Mayo, lahat ng mga vote center ay magbubukas araw-araw mula ika-8 ng umaga hanggang ika-5 ng hapon.
- Sa huling araw ng pagboto, Martes, Ika-2 ng Hunyo, lahat ng mga vote center, opisyal na ballot drop box, at ang opisina ng Tagapagrehistro ay bukas mula ika-7 ng umaga hanggang ika-8 ng gabi.