Magparehistro Para Bumoto

Kung kayo ay nagsumite kamakailan ng porma ng rehistrasyon para sa botante, mangyaring tandaan na maaaring abutin ng ilang araw upang maproseso ang inyong rehistrasyon.

Maaari kayong  maagang-magparehistro para makaboto sa California kung kayo ay :

• 16 o 17 taong gulang
• Matugunan ang lahat ng mga kinakailangan para makaboto

Kayo ay awtomatikong rehistrado para makaboto sa inyong ika-18 kaarawan.

American Sign Language Guide to Voter Registration (English Lamang)

I-check ang Inyong Rehistrasyon

Maaari ninyong i-check ang status ng inyong rehistrasyon ng botante sa  anumang oras upang masiguro na ito ay pangkasalukuyan.

Kung kayo ay lumipat kamakailan, nagbago ng pangalan, o nagnanais na baguhin ang inyong pampulitikang partido, kinakailangan ninyong muling magparehistro para makaboto.

Maaari ninyo itong gawin sa pamamagitan ng pagkumpleto ng isang bagong aplikasyon ng rehistrasyon ng botante.

Ang opisina ng Tagapagrehistro ng mga Botante ay gagamitin ang inyong pinakabagong rehistrasyon, kaya hindi na ninyo kailangang kanselahin ang inyong nakaraang rehistrasyon maliban na lamang kung kayo ay lilipat sa labas ng county.

Dapat kayong nagparehistro para makaboto nang hindi bababa sa 15 araw bago ang eleksyon. Kung na-miss mo ang deadline ng rehistrasyon para sa darating na eleksyon, maaari pa rin kayong magparehistro ng kondisyonal at bumoto nang probisyonal.

Ipinapadala ang mga materyales sa pagboto sa mga rehistradong botante simula 29 na araw bago ang eleksyon. Mangyaring i-check kung tama ang inyong impormasyon sa botante upang matiyak na darating ang inyong mga materyales sa tamang oras.

Kanselahin ang Rehistrasyon

Maaari ninyong kanselahin ang inyong rehistrasyon anumang oras, o kung kayo ay lumipat sa ibang county o estado. Maaari rin ninyong gamitin ang pormang ito upang kanselahin ang rehistrasyon ng isang taong pumanaw na.

Paano Namin Ginagamit ang Inyong Impormasyon

Ginagamit ng mga opisyal ng eleksyon ang inyong rehistrasyon ng botante para ipadala sa inyo ang opisyal na materyales sa pagboto, tulad ng lokasyon ng inyong pinakamalapit na vote center at ang mga isyu at mga kandidato na makikita sa inyong balota.

Ang komersyal na paggamit ng impormasyon ng rehistrasyon ng botante ay ipinagbabawal ng batas at ito ay isang misdemeanor. 

 Ang impormasyon ng botante ay maaaring ibahagi sa isang kandidato para sa isang katungkulan, committee ng isang panukala sa balota, o iba pang mga indibidwal para sa eleksyon, scholarly, journalistic, pulitikal, o mga layuning pang gobyerno, ayon sa patakaran ng Secretary of State. 

Ang numero ng inyong lisensya ng pagmamaneho,  numero ng Social Security, at ang inyong pirma sa inyong aplikasyon ng rehistrasyon ng botante ay hindi maaaring ipalabas para sa mga layuning ito. 

Kung mayroon kayong anumang mga katanungan tungkol sa paggamit ng inyong impormasyon ng botante o nais i-report ang pinaghihinalaang maling paggamit ng naturang impormasyon, mangyaring tawagan ang Hotline para sa Proteksyon at Pagtulong sa mga Botante (Voter Protection and Assistance Hotline) ng Sekretarya ng Estado.

Ang ilang mga botante na nahaharap sa mga sitwasyong nagbabanta sa buhay ay maaaring maging kwalipikado para sa kumpidensyal na katayuan bilang botante.  Para sa karagdagang impormasyon, mangyaring kontakin ang Programang Ligtas sa Tahanan ng Sekretarya ng Estado (Secretary of State’s Safe At Home program).

Matuto pa tungkol sa kung paano ginagamit ang inyong impormasyon sa pagpaparehistro bilang botante.

Mga Madalas na Katanungan

Hanapin ang impormasyon tungkol sa aming mga kadalasang mga katanungan.