Impormasyon sa Eleksyon

Ika-1 ng Hulyo, 2025, Espesyal na Pangkalahatang Eleksyon para sa Unang Superbisoryal na Distrito

Ang espesyal na run-off eleksyon na ito ay isasagawa upang punan ang bakanteng posisyon sa Unang Superbisoryal na Distrito ng County para sa natitirang bahagi ng kasalukuyang termino na magtatapos sa Enero ng 2029.

Tanging ang mga botante lamang na naninirahan sa Unang Superbisoryal na Distrito ang siyang karapat-dapat na makisali sa eleksyon. Hanapin ang inyong distrito.

Narito ang inyong mga opsyon sa pagboto:

Ang bawat aktibong rehistradong botante na naninirahan sa Unang Superbisoryal na Distrito ng County ay makakatanggap ng isang balota sa koreo sa linggo ng Ika-2 ng Hunyo.

Maaari ninyong kumpletuhin ang inyong balota sa ginhawa ng inyong tahanan, pirmahan at petsahan ang inyong sobreng pagbabalikan, i-seal ang inyong nakumpletong balota sa loob, at ibalik ito sa pamamagitan ng koreo o sa alinmang mga opisyal na ballot drop box:

IPAKOREO ITO: Ibalik agad ito sa pamamagitan ng U.S. Postal Service, o
IHULOG ITO: Simula Martes, Ika-3 ng Hunyo, kayo ay magkakaroon ng opsyon na ihulog ang inyong balota sa isa sa 29 na opisyal na mga ballot drop box sa buong distrito.

BUMISITA: Kung mas nais ninyong bumoto nang personal, ang opsyon na iyon ay available rin. Samantalahin ang isa sa sampung araw ng maagang pagboto nang personal!

Simula Sabado, Ika-21 ng Hunyo, pitong mga vote center ang magbubukas araw-araw mula ika-8 ng umaga hanggang ika-5 ng hapon hanggang sa pinal na araw ng pagboto sa Martes, Ika-1 ng Hulyo, kung saan ang labintatlong mga vote center ang magbubukas mula ika-7 ng umaga hanggang ika-8 ng gabi.

Ang Distrito 1 ay umaabot mula sa Pacific Ocean sa kanluran (west), hanggang sa kabundukan ng Otay at San Miguel sa silangan (east), at mula sa Barrio Logan sa hilaga (north) hanggang sa internasyonal na border ng U.S./Mexico sa timog (south). Kasama sa Unang Superbisoryal na Distrito ang mga lungsod ng Chula Vista, Imperial Beach, National City, at ilang komunidad sa loob ng Lungsod ng San Diego, tulad ng Barrio Logan, East Village, Golden Hill, at higit pa. Bukod pa rito, kasama sa Distrito 1 ang mga unincorporated na lugar ng Bonita, East Otay Mesa, Lincoln Acres, Sunnyside, at La Presa.